Јапонскиот бренд го претстави обновениот модел NX на автомобилскиот саем во Шангај.
Визуелните разлики се навистина мали и можат да бидат забележани само од оние кои добро го познаваат јапонскиот SUV. Тие опфаќаат изменети предни решетки, дискретно редизајнирани LED светлосни групи, нов спојлер и светла за магла на предниот дел, како и редизајниран браник со поголеми издувни цевки и обновени светла позади.
Стандардниот модел NX 300 е речиси идентичен со досегашниот NX 200t во поглед на механика и го има истиот 2.0-литарски четири-цилиндарски турбо-бензински агрегат. NX 300h го задржува 2.5-литарскиот четири-цилиндарец кој работи во пар со електричен мотор и ги задржува истите перформанси како претходно.
Најзначајни измени се направени во суспензијата на NX, која е прилагодена да ги подобри возните својства и управувањето. Lexus исто така ќе го нуди системот за адаптивна варијабилна суспензија од LC 500, кој овозможува до 650 инстантни приспособувања на компресијата и дампирањето.
Поспособниот NX F Sport модел, останува како до сега со NX 300 назнака и се разликува од останатиот дел од гамата со црна решетка, специјални тркала и поинакви материјали во ентериерот.
Ние неодамна го возевме Lexus NX. Прочитајте ги нашите впечатоци од хибридната изведба на луксузниот кросовер на Lexus.
