Како што претходно најави, Францускиот производител објави бројки за потрошувачката на кросоверот 2008, кои биле добиени од возење во секојдневни услови, а не во контролирана средина за испитување.
Од нашето досегашно искуство, а и искуството на сите оние кои поседуваат автомобил, јасно е дека бројките за секојдневната потрошувачка на гориво значително се разликуваат од оние објавени во каталогот на автомобилот кој го возиме. Поради таа причина и со цел да им даде појасна слика на купувачите, Peugeot се одлучи да објавува реалнуи бројки за потрошувачката на нивните модели.
NGO Transport & Environment Протоколот кој Peugeot го користи за добивање на овие бројки опфаќа тестирање низ 96 километри долга патека која содржи градски, магистрални патишта и автопати. Исто така, автомобилот вози со вклучена клима, патници и багаж преку најразлични издигнувања и спуштања на патот. Како тоа да не е доволно веродостојно, протоколот користи и селекција од професионални и аматерски возачи, индиректно вработени од Peugeot, со цел да обезбеди што е можно попрецизни резултати.
Ова се објавените бројки за две верзии на 1.2-литарскиот PureTech бензински агрегат и две верзии од 1.6-литарскиот BlueHDI дизелски агрегат од неодамна обновениот кросовер на Peugeot:
Модел и Погонска Единица NEDC тест NGO Transport & Environment протокол
Peugeot 2008 1.2 PureTech 130 4.8 спроти 7 л/100 км за PureTech 130
Peugeot 2008 1.2 PureTech 82 4.9 спроти 6.3 л/100 км за PureTech 82
Peugeot 2008 1.6 BlueHDI 120 3.7 спроти 5.2 л/100 км за BlueHDI 120
Peugeot 2008 1.6 BlueHDI 100 3.7 спроти 5.2 л/100 км за BlueHDI 100
Следната серија на реални бројки на потрошувачка ќе биде објавена во Јули. Ние го поздравуваме овој чекор на Peugeot и ги охрабруваме и другите производители да применат сличен начин на мерење на официјалната потрошувачка на гориво.