Оние кои сакаат економични автомобили можат да го добијат токму тоа од Peugeot 208 BlueHDI 100 S&S, кое успеа да помине дури 2152 километри со само 43 литри дизел гориво!
Според официјалните податоци, автомобилот имал просечна потрошувачка од само 2 литри на 100 изминати километри, но тестот не бил направен на јавни патишта, туку на тест-патеката на Peugeot во Belchamps, во Франција. Сепак, надзор на тестот била француската организација UTAC (Union Technique de l’Automobile, du motocycle et du Cyclе), а за самиот тест бил искористен целосно стандарден Peugeot 208 BlueHDI кој бил опремен со 1.6-литарски BlueHDI турбодизел со 100 коњски сили и 5-степен мануелен менувач.
На автомобилот му биле потребни 38 часа за да го помине растојанието, а зад воланот седеле неколку различни возачи кои се менувале на секои 3 до 4 часа. Според официјалната спецификација, Peugeot 208 BlueHDI троши 3 литри гориво на 100 изминати километри.
