Lewis Hamilton го победи својот тимски колега Nico Rosberg по возбудлива борба која траеше за време на целата трка!
Hamilton и Rosberg беа во сосема посебна категорија овој викенд. Иако Rosberg имаше помеки гуми со кои беше побрз, сепак Hamilton се бореше до самиот крај и не му дозволи на својот тимски колега да стигне до првата позиција. Вистинска борба која нудеше возбуди сè до финалните моменти на трката! Иако Rosberg започна од пол-позицијата, Hamilton го презеде водството уште на првиот свиок.
За третото место се бореа Sergio Perez од Force India и Daniel Ricciardo од Red Bull. Зад нив се најде Nico Hulkenberg кој се справуваше со проблеми со својот болид, но сепак успеа зад себе да ги задржи Sebastian Vettel од Red Bull, Felipe Massa и Valtteri Bottas од Williams, како и Fernando Alonso и Kimi Raikonnen од Ferrari со кои се комплетира листата на оние кои освоија поени во Bahrain. Денешната трка беше вистински шок за возачите на Ferrari кои едноставно не можеа никако да се борат со доминантните болиди придвижувани од моторите на Mercedes.
Еден од најинтересните моменти на оваа трка беше сударот меѓу Esteban Gutierez од Sauber и Pastor Maldonado од Lotus. На првиот свиок, при излегување од бокс, Maldonado се заби во болидот на Gutierez. Во тој момент беше извадено и безбедносното возило на патеката, па се намали и водството на Hamilton пред Rosberg. Со денешната победа Hamilton му се доближува на Rosberg во генералниот пласман, по победата од минатата седмица.
