Subaru го претстави својот знаменосец – моделот кој би требало да пристигне и на Европскиот пазар – новиот Legacy!
Она што е најважно да се знае е дека Legacy го задржува симетричкиот AWD систем (S-AWD), како и Active Torque Vectoring системот на Subaru. Во Соединетите Американски Држави ќе се нуди со 2.5-литарски четири-цилиндерски Boxer мотор кој нуди 175 коњски сили и 235 Nm вртежен момент, или пак 3.6-литарскиот, шест-цилиндерски Boxer кој нуди 256 коњски сили и 334 Nm вртежен момент. Интересна е одлуката на Subaru да го нуди новиот Legacy исклучиво со Lineartronik CVT (Continuously Variable Transmission) менувач.
Во Европа Legacy сигурно ќе се нуди и со одличниот 2-литарски Boxer Diesel кој испорачува околу 150 коњски сили и 350 Nm вртежен момент. До сега, овој мотор се нудел во комбинација со класичен, мануелен менувач и се надеваме дека тоа ќе биде случајот и во иднина.
Продажбата започнува во САД оваа пролет, а сè уште нема најава за евентуалниот почеток на продажба и во Европа, но не би биле изненадени ако Legacy ја доживее својата премиера на автомобилскиот саем во Женева.
