По многуте гласини, PSA Peugeot Citroen конечно ја потврдија можната соработка со Кинескиот бренд Dongfeng.
Откако гласините се раширија по електронските медиуми, челниците на Францускиот PSA Peugeot Citroen и официјално ја потврдија можната „индустриска и комерцијална алијанса“ со Кинескиот Dongfeng Motor Corporation. Деталите сè уште не се објавени, но посакуваното сценарио би било финансиска инвестиција на Dongfeng во PSA Peugeot Citroen со што Кинеската компанија би добила удел во Француската.
Ако преговорите успеат, PSA Peugeot Citroen би добиле околу 4 милијарди евра или повеќе од зделката. Компанијата сега за сега сè уште ги разгледува опциите, но сугерираше дека договорот би можел да биде објавен на 19ти Февруари годинава.
