Како и другите, и Volkswagen се подготвува за Детроит, а еден од концептите кои ќе ги прикаже таму е Beetle Dune!
Она што го знаеме за Beetle Dune Concept е дека е придвижуван од познатиот 2-литарски турбо-бензинец на VW групацијата, кој испорачува 210 коњски сили. Силата ќе се пренесува преку DSG менувач, но не знаеме дали ќе биде само на предните тркала, или концептот ќе има некаков погон на сите четири тркала.
Интересен е и цртежот од ентериерот, на кој гледаме интересни жолти акценти, но вниманието го привлекува и касетата пред совозачот која е заменета со рачка, за да има за што да се држи совозачот при авантуристичко возење. Храбро!