Новата Panamera Diesel доби малку посилен мотор, кој сега испорачува 300 коњски сили и благодарение на кој големиот GT на Porsche ќе забрзува до 100 километри на час за точно 6 секунди!
Добро-познатиот 3-литарски V6 турбодизел сега испорачува 50 коњски сили и 100 Nm повеќе од порано – односно вкупно 300 коњски сили и 650 Nm вртежен момент. Благодарение на овие подобрувања, Panamera Diesel сега забрзува до 100 километри на час за рамно 6 секунди – 0.8 секунди побрзо од порано – и максималната брзина се зголемува за 15 километри на час од 244 километри на 259 километри на час.
Инженерите на Porsche поработеле и на менувачот, па и економичноста е зголемена. Според официјалните тестирања Porsche Panamera опремена со 3-литарскиот турбодизел троши само 6.4 литри гориво на 100 изминати километри и ќе има емисија од само 169 грама CO2 на изминат километар. Новата Panamera Diesel ќе се продава од Јануари следната година, а цената во Германија ќе започнува од 85.300 евра.
