На интернет се појавија првите фотографии од Peugeot 308 R Concept, неколку дена пред јавното дебитирање на автомобилскиот саем во Франкфурт.
Деталите не се објавени, но објавените фотографии прикажуваат агресивна двобојна црвено-црна каросерија, со поширок бодикит и поголеми браници, приближена поблиску до земјата и големи двобојни алуминиумски фелни. На задната страна се забележуваат две издувни цевки поставени од двете страни и кровен спојлер.
Се верува дека силата на автомобилот ќе извира од истиот 1.6-литарски THP агрегат од RCZ-R. Кај атрактивното купе моторот испорачува 270 кс при 6,000 вртежи и 330 Nm максимален вртежен момент при 1,900 вртежи во минута.
