Следејќи го претставувањето на хечбек и седан верзиите од новата Mazda3, Theophilus Chin објави негова визија за купе верзија, која го следи дизајнерскиот јазик KODO на компанијата.
Theophilus Chin ги отстранил задните врати и го променил одот на кровната линија, која завршува со големо задно ветробранско стакло, со што е добиена поспортска силуета и понизок став. Благодарение на овие неколку визуелни измени рендерираното купе е уште попривлечно од веќе претставените хечбек и седан варијанти.
Сепак, нема информации дали Јапонскиот бренд планира ваков модел, но ние се надеваме дека Mazda ќе го земе во предвид.
