Летечкиот Французин не само што постави нов рекорд на легендарниот Pikes Peak, туку го надмина минатогодинешниот за цели 1 минута и 33 секунди!
Sebastien Loeb не престанува да ги ниже успесите. Без сомнение, еден од најдобрите возачи на сите времиња се покажува доминантен каде и да се појави. Токму тоа се случи и на овогодинешниот Hillclimb на легендарниот Pikes Peak. Досегашниот рекорд изнесуваше 9 минути и 46 секунди – рекорд кој Loeb комфорно го скрши и постави ново, убедливо време од 8 минути и 13 секунди! Loeb е единствениот возач на сите времиња кој успеал да постави време пократко од 9 минути.
Тој маестрално го извозе своето Peugeot 208 T16 Pikes Peak и патеката долга 20 километри, како и нејзините 156 свиоци ги извозе со просечна брзина од 145 километри на час!
