Најпознатиот тјунер на Honda, Mugen, претстави нов естетски пакет за седан верзијата од деветтата генерација на Honda Civic.
Дизајниран да ги истакне спортските особини на автомобилот, бодикитот од Mugen се состои од дво-делен преден спојлер, изменети странични прагови, додаток на задниот браник и заден спојлер. Понудени се и спортска решетка во боја на каросерија, Mugen назнаки и избор од два модели на 17-инчни фелни.
Компанијата исто така нуди и воздушни дефлектори за на прозорците и спортски издувен систем од не’рѓосувачки челик за моделите опремени со 1.8-литарскиот агрегат и мануелна трансмисија.
Естетските додатоци за брзо време ќе излезат на пазарот но нема информации за нивната цена.