Британците не престануваат да нè изненадуваат – по екстремниот CC100 Speedster, Aston Martin го претстави најмоќниот Vantage досега – кој доаѓа со V12 и 573 коњски сили!
Да преминеме на најважното – под поклопецот на моторот се крие големиот 6-литарски V12 мотор кој испорачува 573 коњски сили и 620 Nm вртежен момент. Забрзувањет до 100 километри на час сеуште не е објавено, но од Aston Martin изјавуваат дека ќе трае помалку од 4 секунди благодарение на Sportshift AMT III менувачот. Максималната брзина изнесува 330 километри на час.
Автомобилот тежи 1665 килограми, а таа тежина ќе ја контролира адаптивна суспензија со 3 режими развиена од Bilstein, а за запирањето се грижат кочници од Brembo, развиени со истата технологија која се користи за моќниот One-77. Во внатрешноста се забележливи лесните седишта, тапацирот од алкантара или кожа, а доколку купувачите сакаат, можат да нарачаат пакет за внатрешноста изработен од карбонски влакна.
Цената сеуште не е објавена, но се очекува да биде повисока од онаа на досегашниот V12 Vantage кој овој модел го заменува.
