Уште еднаш се потврдува правилото дека ако имате пари, не мора да значи дека имате и вкус. Руските тјунери Top Car направија своја верзија на Porsche Cayenne, а за нејзиниот „стил“ можеме само да коментираме.
Немаме информации за евентуалните механички измени, но можеме да зборуваме за екстериерот – каросеријата е бела, но деталите се во контрастна светло-зелена боја. Сите детали се изработени од јаглеродни влакна (а тоа значи дека се скапи), и истата комбинација на бои се проткајува и во внатрешноста.
Пробавме да се досетиме за одговарачки коментар, но ние сме едноставно без зборови. Парите дефинитивно не купуваат и вкус!
