Chevrolet го претстави 2013 Turbo Camaro Coupe во Чикаго, за да го промовира новиот анимиран филм на DreamWorks наречен “Turbo”, кој ќе започне со прикажување во кино салите на 19-ти Јули.
Промотивното возило е базирано на Camaro ZL1 и се одликува со специјален преден сплитер, како и огромен заден спојлер. На него може да се забележи и COPO поклопецот на моторот, под кој се наоѓа V8 агрегат со компресор што произведува над 700 кс, поврзан со автоматски менувач.
Автомобилот е опремен со 24-инчни тркала и четири издувни цевки со дијаметар од пет инчи. Целата каросерија е покриена со сива мат и црна хром фолија, а предните и задните светла се изработени во LED технологија.