Бидејќи автомобилскиот саем во Монтреал се одржува во исто време како и оној во Детроит, никој не очекуваше светска премиера, но Honda изненади со прикажување на нов концепт.
Автомобилот е наречен Gear и претставува свежа студија за мал градски автомобил од класата на Ford Fiesta, на кого главна целна група ќе му бидат младите родени по 80-тите години. Концептот е инспириран од велосипедите со само една брзина и е едноставен и практичен, но исто така и полн со карактер.
Неговиот дизајн е воглавно модерен и главна цел е функционалноста, но предниот дел е направен во ретро стил и црпи инспирација од првата генерација на Honda Civic. Гледан однапред, концептот изгледа доста симпатично бидејќи потсетува и на модерна интерпретација на многу популарниот автомобил на Балканот, Крагуевското Југо.
Honda не објави информации за погонските единици на автомобилот, ниту дали планира да претстави сериски модел.
