Mugen, тјунинг партнерот на Honda, претстави дизајнерска студија направена на база на новиот CR-V на автомобилскиот саем во Токио оваа недела.
Како што е вообичаено до сега, за секој сериски модел на Honda тјунинг компанијата Mugen претставува пакет од естетски и перформансни подобрувања. Пакетот за разубавување од Mugen содржи цел асортиман од стилски компоненти – како нова предна решетка, преден и заден браник со штитници, странични прагови, додатоци на крилата, кровен спојлер и нов сет од двобојни 20-инчни фелни.
Во внатрешноста, Mugen го опремил кросоверот со кожа налик на карбон над новите спортски седишта и контролната табла, како и детали од јаглеродни влакна. Подобрувањето на перформансите се состои од спортски издувен систем, пониска суспензија со нови пружини и посилни сопирачки.