Hyundai уште во Октомври ја прикажа освежената верзија на Genesis Coupe за Американскиот пазар, а сега ја имаме и Европската верзија.
Инаку се работи за некои помали промени во екстериерот, посебно на предниот дел и дотеран ентериер. Заедно со ова освежување, Hyundai Genesis Coupe го доби и новиот осум-степен автоматски менувач но и нови посилни мотори!
Најголемо внимание привлекува 3.8i V6 GDi моторот со 347 КС и 410 Nm вртежен момент. Овој мотор во комбинација со новиот осум-степениот автоматски менувач забрзува од 0 до 100 km/h за 5,9 секунди, додека максималната брзина е 260 km/h.
Другиот новитет е 2.0TCI четирицилиндричниот мотор кој има моќност од 260 КС и 370 Nm вртежен момент. Со овој мотор, Genesis Coupe забрзува од 0 до 100 km/h за 7,4 секунди, а постигнува максимална брзина од 236 km/h.
Што се однесува до цените, Genesis Coupe опремен со 3.8 V6 GDi 8AT со Premium Pack нивото на опрема, во Франција чини 37,900 евра. Овој конкрете модел е опремен со автоматска клима, 19-инчни бандажи, навигација, кожен ентериер, патен компјутер, xenon светла, keyless entry и Infinity sound system од 360 W.
