По претставувањето на неколку суптилни пакети за Range Rover Evoque, Kahn Design напаѓа со Vesuvius Copper RS250, најрадикалниот боди кит за Британскиот кросовер досега.
Vesuvius Copper Evoque има двобоен екстериер, односно е во портокалова боја во комбинација со црн кров и затемнети црни стакла. Додаден е аеродинамичен боди кит кој се состои од заден и преден браник со дневни LED светла, нова маска и заден кровен спојлер. Наместо фабричкиот, ставен е издувен систем од не’рѓосувачки челик со две црни централно сместени издувни цевки.
Моделот вози на 22-инчни алуминиумски RS600 бандажи, обоени во мат сива боја. Ентериерот е освежен со седишта од перфорирана кожа, Алкантара и Vesuvius copper боја, брзинометар во портокалова боја, централна конзола во Piano Black завршница, како и Vesuvius спортски волан.