Aston Martin DB9 1M – Facebook Edition – CARclub.mk | #1 за Автомобилите full screen background image
Search

Aston Martin DB9 1M – Facebook Edition

Aston Martin го претстави DB9 1M, автомобилот кој е дизајниран од самите Facebook корисници по повод милион фанови на социјалната мрежа!

Кога ќе се спомене Aston Martin сите се присетуваме на легендарниот автомобил на James Bond, а сега Facebook корисниците кои учествуваа во дизајнирањето на овој автомобил малку го расипуваат тој впечаток.

Aston Martin одлучи својот јубилеј да го прослави со еден автомобил кој ќе биде дизајниран според желбите на фановите. Така со серија прашања како автомобил кој ќе биде “дизајниран” беше избран DB9. Потоа со друга серија прашања, корисниците на Facebook имаа прилика да го дефинираат надворешниот и внатрешниот дизајн.

Резултатот е следен – Aston Martin Db9 1M доби фолија која се нарекува “aero” и 20-инчни сребрени бандажи, додека внатрешноста е во црвено-црна комбинација.

Овој Aston Martin дефинитивно претставува уште еден пример дека дизајнирањето на автомобилите не треба да се препушта на корисниците на Facebook! Aston Martin DB9 1M ќе биде користен во промотивни цели на презентации.



Во своите најлуди соништа Димитар вози Ford Fiesta ST, а во реалноста ја обожава својата "нормална" Fiesta. Среќен што е дел од CARclub.