На веб-страницата за аукции на ретки возила се продаде Yugo GV од 1986-та година – и достигна цена од неверојатни 50.000 Долари!
Полека, полека, не се залетувајте, ова не значи дека вашето Југо со поминати стотици илјади километри, сомнителни модификации и нередовн одржување можете да го продадете за слична цена. Југото кое се продаде за 50.000 Долари, односно околу 45.000 Евра на BringaTrailer.com има само 121 милја, односно околу 195 километри „на бројчаникот“ и имало само еден сопственик – и тоа James G. Robinson, филмски продуцент и поранешен директор на Morgan Creek Entertainment.
Инаку, кај нас вакво Југо би било познато како Yugo 55 – а тоа значи 1.1-литарски 4-цилиндерски бензинец со 55 коњски сили и 70 Nm вртежен момент. Од опрема, наведуваат дека има 13-инчни тркала, предни диск-сопирачки, кровни носачи, па дури и Frigette (дополнително ставен) клима-уред! Тркалата носат (најверојатно оригинални) Tigar TG 605 гуми.
Во аукцијата имало вкупно 37 наддавања, а победникот ќе треба да плати 50.000 долари + аукциски трошоци. Нека му е честито!
Фотографии: Bring a Trailer











