Регулаторната Комисија за Енергетика ги објави новите цени на горивата кои од вечерва на полноќ значително ќе се зголемат.
Во согласност со методологијата која РКЕ ја користи за пресметка на цените, малопродажните цени се зголемуваат во просек за 4.85%.
Цените на ЕУРОСУПЕР-95 и ЕУРОСУПЕР-98 се зголемуваат за 4.50 денари за литар. Еден литар 95-октански бензин ќе чини 91.50 денари, додека еден литар 98-октански бензин ќе чини 93.50 денари.
Цената на ЕУРОДИЗЕЛ горивото се зголемува за значителни 6.50 денари и еден литар дизел гориво ќе чини 98 денари.
Како што напоменавме, новите цени стапуваат на сила вечерва на полноќ.
