ABC Brother деновиве го отвори новиот, втор салон за брендот Dongfeng.
Покрај постоечкиот салон во скопската населба Визбегово кој и понатаму е во функција, компанијата ABC Brother деновиве го отвори и новиот салон за брендот Dongfeng.
Од ABC Brother кажуваат дека ова е pop-up салон, но ние кажуваме дека е и многу повеќе од тоа – на едно место можат да се видат неколку од моделите на брендот, но и да се направи тест-возење и да се добијат сите информации за различните модели во понудата. Плус, ова е одличен доказ за интересот кој го имаат нашите купувачи за автомобилите во портфолиото на ABC Brother.
Новиот салон е на улица Кочо Битољану 2в, односно во рамките на објектот на Simax Шпедиција (клик за Google Maps). Или за поленсо разбирање – на улицата позади Алкалоид, каде се наоѓаат и Пивара Скопје и АД Европа.
Во моментов таму можете да ги погледнете Dongfeng Mage, Huge и електричниот Box, а и останатите модели се во постојана ротација. Прават и одлично кафе, а и една од фотографиите на ѕидот зад Mage е многу, многу, многу добра! ;)
