Wagener ќе се повлече во јануари а на неговото место доаѓа Bastian Baudy, досегашниот шеф на дизајн на AMG.
Според изјавата на извршниот директор Ola Källenius, тој со својата визионерска филозофија за дизајн го има обликувано идентитетот на брендот и има донесено огромен естетски придонес.
Во 2008 година Gordon стана потпретседател за дизајн и ја претстави новата филозофија „сензуална чистота“, која се базираше на чисти површини, скулптурални форми и помалку визуелни детали. Како врв на таа линија на дизајн се истакнува спортскиот AMG GT (дело на нашиот другар Славче Таневски), а заслужен е и за низа концепт‑возила, вклучувајќи ја и арт‑деко студијата Vision Iconic. На чело на дизајнот доаѓа во 2016 година како единствен шеф во историјата на Mercedes без инженерска позадина.
Неговиот мандат не помина без контроверзии: електричните модели EQ (особено EQS) беа остро критикувани, а продажбите заостануваа зад очекувањата. Toj тврдеше дека дизајнот бил пред своето време и подоцна најави повеќе рафиниран, „хипер‑аналоген“ пристап.
Неговиот наследник Bastian Baudy – досегашен шеф на дизајн на AMG и автор на неколку клучни концепти и модели – ќе продолжи да ја води следната фаза во развојот на дизајнот на германскиот луксузен бренд.
