Продолжувањето на производството до 2027 година официјално го потврди извршниот директор Santo Ficili.
Одлуката на Stellantis за продолжувањето на производството е со цел да се одржи производствената линија во работа пред целосната транзиција кон електрични модели што се очекува по 2027 година. Во моментов, одлично се продава малиот Junior, но Alfa Romeo ги следи пазарните трендови и одлучи да ги задржи Giulia и Stelvio уште неколку години.
Истовремено, Jules Tilstone од Alfa Romeo UK потврди дека повторно ќе се произведуваат и Giulia и Stelvio Quadrifoglio.
Новата генерација Giulia, која ќе дебитира по 2027 година, ќе се базира на архитектурата STLA Large и ќе понуди повеќе енергетски опции, вклучувајќи електрични и хибридни верзии.
Фабриката во Касино, Италија во која се прави и моделот Stelvio има производствен капацитет до 1.000 автомобили дневно и користи напредни технологии како ласерско заварување и спојување на делови од алуминиум и карбонски влакна.
