Шампионот Мико никогаш не брза на јавните патишта и има посебна љубов кон ефикасното возење.
Во четвртата генерација на Škoda Superb, тој измина 2,831 километар, возејќи од Полска до Дизниленд во Париз и назад, со просечна потрошувачка од само 2.61 литри на 100 километри. Тој користеше стандардeн Superb со пневматици со низок отпор при тркалање и спуштена суспензија за 15 милиметри. За споредба, официјалната комбинирана потрошувачка на гориво на моделот е 4.8 литри на 100 километри.
Неговите сoвети се прилично едноставни. „Притисокот во гумите е клучен – придржувај се до препорачаното ниво,“ потсетува тој, нагласувајќи го едното од основните правила за економично возење. Меко возење и предвидливост се исто така неопходни: „Гледај напред, предвидувај и обиди се да кочиш што помалку а забрзувај понежно и постепено“.
Тој додава уште еден важен совет: „Секогаш се обидувам да бидам максимално одморен кога возам. Се обидувам да спијам седум до осум часа на ноќ. Ова ми овозможува да бидам максимално фокусиран“.
