Јапонскиот кросовер доаѓа со целосно нов изглед и позајмена платформа од неговиот француски роднина Renault Scenic E-Tech.
Новиот Eclipse Cross е базиран на CMF-EV платформата и доаѓа со батерија од 87 kWh со чија помош автомобилот добива возечки WLTP досег до 600 километри. Моделот поддржува стандардно полнење до 22 kW и брзо полнење до 150 kW.
Електричниот мотор испорачува 218 коњски сили и 330 Nm вртежен момент, овозможувајќи му забрзување на автомобилопт од 0 до 100 км/ч за 8.4 секунди и максимална брзина до 170 км/ч.
Системот за регенеративно сопирање има четири нивоа што се контролираат преку палките на воланот, а достапна е и функцијата за возење со една педала за максимална ефикасност.
Внатрешноста е модерна и меѓудругиото содржи Google инфозабавен систем со 12.3-инчен дисплеј, аудио систем од Harman Kardon, панорамски покрив и амбиентално осветлување.
Mоделот вклучува и напредни системи за асистенција на возачот (ADAS) и полуавтоматско возење преку системот My Pilot.
Новиот Eclipse Cross го очекуваме да се појави во продажните салони до крајот на годинава.
