Откако веќе подолг период се зголемуваат цените на горивата, од вечерва на полноќ цените на бензините и дизелот ќе се намалат.
Во согласност со методологијата која РКЕ ја користи за пресметка на цените, од вечерва малопродажните цени се намалуваат во просек за 1.85%.
Цените на бензините се намалуваат за 1.5 денари за литар, па еден литар ЕУРОСУПЕР-95 ќе чини 98.50 денари, додека еден литар ЕУРОСУПЕР-98 ќе чини 100.50 денари.
Цената на ЕУРОДИЗЕЛОТ се намалува за три денари и еден литар дизел гориво ќе чини 97.00 денари.
Новите цени стапуваат на сила вечерва на полноќ.
