Регулаторна ги објави новите цени на горивата – и цените на бензините и дизелот се безмалку израмнети.
Цените се намалуваат во просек за 1.06%, а владата ја продолжи мерката за намалување на ДДВ кај дизелот и намалување на акцизите кај бензините.
Цените на бензините се зголемуваат за 1 денар по литар. Еден литар 95-октански бензин ќе чини рамно 100 денари, додека еден литар 98-октански бензин ќе чини 102 денари.
Цената на дизелот се намалува за 4.50 денари и еден литар дизел ќе чини 100 денари.
Новите цени стапуваат на сила вечерва на полноќ.
