Со купе и спајдер варијантите на 788HS, брендот го означува крајот на производството за сериите 720S, 765LT и 750S.
Во срцето на супер-автомобилот се наоѓа добро познатиот 4-литарски V8 мотор со два турбополначи. Моќноста се искачува на 788 коњски сили и 800 Nm вртежен момент, што е доволно за забрзување од 0 до 100 км/ч за само 2,8 секунди и максимална брзина до 330 км/ч.
Купе верзијата има сува тежина од само 1.265 килограми, што му дава на 788HS најдобар однос помеѓу моќноста и тежината во целата серија: 623 коњски сили по тон.
Супер-автомобилот исто така генерира 10 проценти повеќе потисна сила во споредба со екстремниот 765LT, благодарение на новоразвиениот аеродинамички пакет кој вклучува заден дифузер инспириран од Формула 1.
Новиот преден сплитер и подигнатиот активен заден спојлер помагаат возилото да остане залепено за патот, додека редизајнираниот воздушен канал на хаубата ги намалува вибрациите.
Предната оска е поставена за 5 мм пониско во споредба со 750S благодарение на усовршената хидраулична суспензија, додека за сопирањето се грижат карбон-керамичките дискови кои се преземени од моделот Senna.
Ова е дури третиот модел што ја носи ознаката High Sport, по MP4-12C HS од 2012 година и MSO HS од 2016 година.
Сите 200 (по 100 од купето и 100 за спајдерот) примероци ќе бидат финално обработени од одделот McLaren Special Operations, па очекуваме дека сите ќе добијат посебни персонализации според желбите на сопствениците.
