Во форма на директен одговор на барањата на купувачите, Peugeot воведува две нови нивоа на опрема во своето порфолио – Business и GT Exclusive.
Business третманот го добиваат 208, 2008 и 308. Ова ниво на опрема е базирано врз основото Style, но доаѓа и со паркинг-камера, преклопливи странични ретровизори и најважно – Peugeot i-Connect Advanced инфозабавниот систем со Android Auto и Apple CarPlay поврзување. Дополнително, добива и TomTom навигација и OK Peugeot гласовни команди.
Дополнително, Business пакет добиваат и 408, 3008 и 5008, но во овој случај, Business опремата е базирана врз веќе-богатиот Allure. Овие модели го добиваат i-Connect Advanced, хаптички i-Toggles за брзи кратенки до климата, телефонот, радиото и повеќе, како и безжичен полнач за мобилен телефон. Во случајот на 3008 и 5008, тие добиват и Panoramic i-Cockpit со огромен 21-инчен дисплеј.
Business нивото е достапно за сите погонски опции на 208, 2008, 308, 408, 3008 и 5008, а плаг-ин хибридните верзии на 308, 408, 3008 и 5008 добиваат и вграден он-борд полнач со моќност до 7.4 kW.
Како врв на понудата, новиот GT Exclusive пакет е достапен кај сите модели на Peugeot (освен 508 и Rifter). Моделите со оваа опрема ќе добијат и седишта и делови од ентериерот обвиени во луксузна Alcantara, електрично прилагодливи предни седишта со греење (и масажа на 308, 408, 3008 и 5008), безжичен полнач, но и најнапредниот инфозабавен систем на Peugeot. Електричните модели во оваа изведба ќе добијат топлотна пумпа, со што се подобруваат комфорот и ефикасноста.
Новите нивоа на опрема ќе се нудат покрај постоечките Style, Allure и GT.
