Протече фотографија од наводна преработка на Alfa Romeo 8C Competizione, дело на италијанската куќа Zagato.
Zagato е куќа позната по некои спектакуларни преработки на веќе-интересни автомобили. Но на интернет се појави фотографија од Zagato 8C DoppiaCoda, преработка на Alfa Romeo 8C Competizione. Во Официјалниот Карклуб Правилник, стои правилото дека „8C Competizione е Најубавиот Автомобил на Сите Времиња“, па навистина не гледаме потреба од оваа преработка.
Да, може да се направи. Но дали треба? Дали вреди да се намали бројката на 8C Competizione (која и онака е мала, произведени се само 829 примероци) за да се направи некаква Zagato изведба која ем не изгледа ни приближно толку добро како оригиналот, ниту пак ќе ја видиме некогаш на улица бидејќи ќе биде купена од некој богат милијардер и ќе „дреме“ во некаква приватна колекција?
Ние мислиме дека не. Може, секако, но не треба.
