Land Rover претстави нова Trophy Edition ограничена серија од моделот Defender, која доаѓа со разновидни теренски додатоци.
Иако не е споменато, очигледно е дека инспирацијата за оваа серија доаѓа од познатиот Camel Trophy теренски предизвик кој се одржуваше секоја година помеѓу 1980те и првите години од 21виот век.
Компанијата ќе произведе само 220 примероци од Trophy Edition Defender и сите од нив се наменети за САД. Секој примерок е опремен со специјален кровен багажник, штитник за предниот браник, скала на собирање, пакет за инсталација на автоматска макара со сајла за влечење, калници, интегриран воздушен компресор и пошироки гумени патосници.
Trophy Edition е базиран на верзијата со подолго меѓуоскино растојание 100 P400 X-Dynamic S. Како дел од неговата опрема спаѓаат и кука за влечење, ClearSight RearView систем за подобра прегледност кон назад, воздушна суспензија, припрема за пониски температури и 11.4-инчен екран на допир, како и теренските Off-road и Advancer Off-road пакети.
Комбинацијата на бои е добиена благодарение на специјална фолија, испирирана од бојата на Defender Works V8 Trophy. Ограничената серија на новиот Defender е погонувана од 3.0-литарски шест-цилиндарски бензински агрегат кој испорачува 400 кс и 550 Nm вртежен момент. Цената на овој модел започнува од 90,000 долари.
На сите 220 купувачи на Defender Trophy Edition ќе им биде понудена можност да учествуваат на еднодневна теренска авантура во форма на Land Rover U.S. Trophy натпревар. Само на првите 90 кои ќе се приклучат ќе им биде дозволено да учествуваат во натпреварот кој ќе се одржи на Biltmore Estate во Ешмур, Северна Каролина
