Во Скопје денес повторно се одржа Distinguished Gentleman’s Ride, каде отмено облечени господа и нивните кул моторцикли дефилираа низ главниот град.
Иако моторциклите не се во нашиот примарен домен на интерес, сепак со задоволство ги поддржуваме ваквите настани. Distinguished Gentleman’s Ride е дел од глобалната Movember иницијатива. Класични и винтиџ моторцикли – како и нивните сопственици и многу поддржувачи – се обединуваат во поддршка на на истражување на ракот на простатата и подигање на свеста околу машкото ментално здравје.
Оваа година локалниот настан имаше многу поддржувачи – меѓу кои ги вбројуваме Мотоцентар, My Time, Маратон Адвертајзинг и многу други.
Да не должиме многу – погледнете ги фотографиите од дел од денешното дружење со Distinguished Gentleman’s Ride.
