Денес организацијата на DFCCA – Drive for Colon Cancer Awareness – го одржа своето хуманитарно возачко дефиле – кое се одржа во 13 градови во Македонија, односно во 100 различни градови ширум светот.
Во нашиот главен град земаа учество околу 60-тина автомобили и нивните горди сопственици – па можевме да видиме неколку навистина ретки и несекојдневни возила. Вниманието ни го задржаа големиот Dodge Ram 1500 Laramie, одличниот црвен Ford Mustang, старите примероци на Mercedes-Benz, американскиот Chevrolet Corvette, деминутивниот Daihatsu Copen и уште многу, многу други автомобили.
Автомобилите возеа по претходно-дефинирана рута, и мораме да признаеме дека беа вистинска „појава“ на улиците на нашиот главен град. Годинава учество земаа и нашите пријатели од Euroimpex кои го возеа новиот Peugeot 5008. Еуроимпекс покрај поддршката во возното дефиле, пружи и одредени сервисни бенифиции за донаторите на овој хуманитарен настан.
Погледнете како изгледаше финалето на возењето кое заврши кај GP Cafe картинг центарот, веднаш до спортската сала Борис Трајковски во Скопје.