Во пријатна атмофера во клубот Станица 26 му беше доделена наградата за Автомобил на Годината во Македонија за 2014 на овогодинешниот победник – новата Skoda Octavia!
Годинава за престижното признание се натпреваруваа Mercedes-Benz CLA, Mazda 3, Renault Captur, Suzuki SX4 S-Cross, Skoda Octavia, Mitsubishi SpaceStar, Peugeot 308, Peugeot 3008 и Skoda Octavia, а победата ја однесе токму Skoda Octavia. Националното жири составено од Агрон Сулејман (кој воедно е и претседател на жирито), Горан Антевски, Љупчо Михајловски, Владимир Ристовиќ и Томислав Биљарац ги тестираше сите кандидати и едногласно одлучи Octavia да биде Автомобил на Годината во Македонија за 2014-та година.
Ова е 19-ти пат како се доделува наградата, а Шкода Октавија по втор пат ја добива оваа престижна титула. „Анализиравме повеќе аспекти, како безбедност, комфорт, перфоманси, технички детаљи, моќност и перфоманси на моторите, потрошувачка на гориво, дизајн, еколошки стандарди, соодносот квалитет/цена, и токму Шкода Октавиа се најде на врвот. Иако конкуренцијата беше силна, немавме дилеми, оваа година Шкода Октавиа е автомобил на годината во Македонија” – изјавија од стручното жири.
Наградата ја подигнаа Г-дин Златко Муцунски, Генерален Директор на Порше Македонија и Г-дин Миле Станчев, бренд менаџер на Skoda за Република Македонија. Господинот Муцунски изјави дека е задоволен и среќен со изборот на Skoda Octavia, и дека е оправдан изборот на стручното жири.
„Октавија е срцето на брендот Шкода и во новата веќе трета генерација ги задржува добро препознатливите каракеристики на брендот – бескомпромисен квалитет, неспоредлива пространост, одлична удобност и легендарна издржливост. Овие карактеристики во новиот модел на Шкода Октавија се дополнително надградени со фасцинантниот и прецизен дизајн и низата на најнапредни технололошки решенија – да ги споменеме само екомоничните и моќни TSi и TDi мотори, автоматските 7 степени DSG менувачи, можноста за погон на сите тркала, врвната безбедност истакната преку 9 воздушни перничиња, детекторот за замор на возачот и адаптивниот темпомат со радар. Сите овие елементи зедно придонесуваат искуството на возење на новата Шкода Октавија да биде фасцинантно секој ден”, изјави Миле Станчев – бренд менаџер за Шкода.
Атрактивна и економична, третата генерација на Октавија е најпопуларниот модел од брендот Шкода кој овозможува удобно, безбедно и практично патување. Таа нуди уште поголем простор и комфорно место за пет лица, како и најголем багажник во класата со волумен од импресивни 590 литри. Автомобилот може да се пофали со значително зголемена безбедност и 19 проценти помала потрошувачка на гориво, што претставува одлична заштеда, особено при долгите патувања.
Внатрешноста е надополнета со најмодерни технолошки додатоци и бројни „едноставно паметни“ решенија , нов мултимедијален систем преку кој можат да се менуваат параметрите на возилото, но и многу други корисни уреди кои патувањето го прават уште поубаво и позабавно.
Фотографија: Дејан Маликовски