Американскиот Hennessey Venom GT доби сертификат од Гинисовата книга на рекорди за најкратко забрзување од 0-300 км/ч.
Venom GT , придвижуван од 7-литарски V8 твин-турбо агрегат со 1200 кс, само што го собори светскиот рекорд за забрзување од 0 до 300 км/ч. За времето што му е потребно на еден обичен градски автомобил да достигне 100 км/ч, Venom GT може да достигне три пати поголема брзина.
За брзина од 300 км/ч на Американскиот суперавтомобил му се потребни само 13.63 секунди, што го прави најбрз автомобил во светот до назначената брзина. Луѓето од Гинис го забележаа ова, како и фактот дека Venom GT го надмина Koenigsegg Agera R за 0.9 секунди.
Ова не е првиот рекорд за забрзување поставен од Venom GT, бидејќи Американскиот модел неодамна достигна 370 км/ч за точно 20 секунди!
