Новиот концептен автомобил на Renault базиран на Dacia Duster е изложен на автомобилскиот саем во Сао Пауло.
Во Бразил Renault ги нуди сите модели на Dacia под неговото име, вклучувајќи го и Duster. DCross концептот претставува креација на дизајнерскиот тим на Renault во Бразил, кој сакал да му даде на стандардниот Duster повпечатлив изглед.
DCross има двобојна каросерија, две третини обоена во светло зелена, додека задниот дел е во мат црна боја. Однапред добива нов стилизиран преден дел со пофутуристички изглед, а исто така располага со поинакви задни LED светла, пошироки странични прагови и поголеми кровни шини помеѓу кои се наоѓа резервното тркало. Подебелите рапави гуми и алуминиумските хромирани фелни заедно со редизајнираните ретровизори ги заокружуваат стилските промени на DCross концептот.
Би било интересно доколку Renault и Dacia решат да го понудат DCross во сериско производство. Dacia Duster е навистина популарен модел, а ваква верзија би била одличен начин да се привлечат уште повеќе купувачи во салоните.
