Chrysler ја подготвува Barracuda да го замени Challenger – CARclub.mk | #1 за Автомобилите full screen background image
Search

Chrysler ја подготвува Barracuda да го замени Challenger

Новиот спорстски бренд на Chrysler – SRT – се подготвува да ја прошири својата гама со уште еден модел покрај Viper, легендарниот мускулест автомобил Barracuda.

Автомобилот ќе биде поставен на значително пократко меѓуоскино растојание во споредба со Challenger – според најавите би требало да биде околу 15 сантиметри пократко. Ова значи дека ќе биде околу 140 кг полесен од Challenger, што ќе му овозможи на Chrysler да го нуди и со четири-цилиндарски агрегат како основна верзија.

Во неговата понуда се очекува да се најдат 2.4-литарскиот реден четири-цилиндарски агрегат во атмосферска и турбо верзија, 3.6-литарскиот V6 Pentastar, како и еден од двата V8 Hemi агрегати со зафатнина од 5.7 и 6.4-литри.

Barracuda ќе се продава под SRT, Chrysler-овата дивизија која во минатото се прослави со спортските верзии на Viper, Charger, Challenger, Neon, Caliber, Magnum, Ram, 300C, Crossfire и Grand Cherokee. Меѓутоа, сега оваа дивизија работи одвоено како нов бренд и прави спортски верзии со високи перформанси со Chrysler, Dodge, Jeep и Ram.

Во минатото, Plymouth Barracuda бил легендарен Американски модел кој се произведувал од 1964 до 1974 година. Barracuda бил првиот автомобил во таканаречената “Pony” класа, која подоцна ја прославил Ford Mustang.



Отсекогаш Филип се интересирал за дизајнот и перформансите на автомобилите, а во срце му лежат легендарните спортски модели со забавен карактер кои можат да ги совладаат свиоците со огромна брзина.