Suzuki ја претстави освежената Grand Vitara за Европскиот пазар на овонеделниот интернационален автомобилски саем во Москва.
Надоградбата носи некои козметички измени на надворешноста и нов дизајн на ентериерот, со цел да го задржи вниманието на купувачите за кросоверот кој е во производство од 2005.
Надворешните измени вклучуваат примена на нова предна решетка заедно со редизајниран браник, нови 17-инчни и 18-инчни алуминиумски бандажи и две нови бои. Во внатрешноста, освежената Grand Vitara добива нови седишта и тапацири на вратите.
Нема измени во гамата на мотори на кросоверот. Како и досега, во понудата ќе има два бензинци: 1.6-литарски VVT со 106 кс и 145 Nm и 2.4-литарски VVT со 129 кс и 227 Nm, како и еден 1.9-литарски турбо-дизел DDIS со 140 кс и 300 Nm.
Продажбата се очекува да започне во Европа при крајот на есенва.