Pebble Beach ни донесе неколку интересни новитети. Прво BMW и Zagato ги здружија силите, а сега McLaren претстави еден прилично чуден концепт.
Концептот X-1 е всушност автомобил направен од McLaren Special Operations за еден анонимен клиент и е во само еден примерок.
Како база на X-1 Concept послужи MP4-12C, спортскиот автомобил на McLaren. Ова значи дека под поклопецот тука е 3,8 литарскиот V8 мотор кој има 616 КС.
Овој “бетмобил” дизајнот го добил од желбите на посебниот клиент, кој сакал уникатен автомобил кој освен модерни линии ќе има и доза на ретро линии. X-1 Concept е целосно направен од јаглеродни влакна па затоа тежи само 1.400 kg.
Во внатрешноста преовладува црвената кожа, а и тука се вметнати неколку детали од јаглеродни влакна.