Alfa Romeo деновиве ќе ја прослави 50-годишнината на еден од моделите кој остави траен белег во историјата на производителот – Giulia!
Верните “Алфисти” секако дека се гордеат со Giulia, која своевремено била предводник на новата класа на автомобили, т.н „спортски лимузини“. Оваа класа на автомобили, освен своите спортски особини, нуди и големо уживање во возењето.
Giulia е родена во 1962-та година, а се произведувала се до 1977 година. Во овој период Alfa Romeo успева да продаде над 1 милион примероци од Giulia по што таа станува многу значаен модел за Alfa Romeo. “Designed by the wind” е слоганот под кој Giulia била продавана, што укажува на импресивниот коефициент на отпор (o.34), што во тоа време бил недостижен и за многу спортски автомобили!
50-ти роденден слави и тест стазата Balocco која е довршена токму во 1962 година. Alfa Romeo е меѓу првите Европски производители на автомобили која има своја стаза за тестирање. Balocco се наоѓа 60 km надвор од Милано.
Заедно со Giulia, 50 години слави и официјалниот клуб на љубителите на Alfa Romeo, RIAR (Registro Italiano Alfa Romeo). Овој клуб денес брои 2000 членови од кои повеќето се сопственици на некои ретки и посебни модели на Alfa Romeo. Во чест на овој клуб, Alfa Romeo пред некое време представи и една специјална верзија на Alfa Romeo MiTo, MiTo R.I.A.R. limited edition.
Во продолжение може да ги погледнете моделите на Giulia (1962,1966,1968 и 1969).
