MG со гордост објавува дека ќе го рестартира производството во Европа – и тоа во нова фабрика во Галисија, Шпанија.
Дополнително, од MG Motor кажуваат дека инвестицијата од приближно 200 милиони евра претставува значаен чекор во долгорочната посветеност на брендот кон европскиот пазар и забрзувањето на стратегијата „Во Европа, за Европа“. Фабриката ќе отвори повеќе од 2.000 работни места низ Европа и ќе претставува стратешки центар за следната фаза од растот на брендот. Производството е планирано да започне во 2028 година, а годишниот капациотет ќе биде до 120.000 возила.
Комплексот ќе ги обедини R&D процесите, напредното производство, снабдувањето со клучни компоненти и интелигентните логистички операции и ќе создаде целосно поврзан индустриски екосистем. Оваа платформа значително ќе го прошири локалното производство и набавка, дополнително зајакнувајќи ги отпорноста, флексибилноста и ефикасноста на европскиот синџир на снабдување на MG.
Паралелно со тоа, MG ќе ја продлабочи соработката со водечки европски технолошки партнери, истражувачки институции и локални добавувачи со цел да ја забрза иновацијата во клучните области на идната мобилност, вклучувајќи батериски технологии од новата генерација, интелигентни системи за мобилност и решенија за чиста енергија.
Оваа најава доаѓа во клучен момент за европската автомобилска индустрија, додека целите на Европската Унија за нулта емисија до 2035 година дополнително ја забрзуваат транзицијата кон електрифицирана мобилност. Преку локализирано производство, континуирани инвестиции во истражување и развој и пристап насочен кон потребите на клиентите, MG ја зајакнува својата посветеност кон Европа и истовремено го проширува пристапот до напредни решенија за мобилност низ целиот регион.
Во исто време, MG продолжува да носи врвни технологии на пазарот, вклучувајќи ја и неодамна претставената прва сериски произведена SolidCore полуцврста батерија, како и водечкото портфолио на Hybrid+ и Plug-in Hybrid технологии. Овие иновации дополнително ја потврдуваат растечката улога на MG во обликувањето на поодржлива, поинтелигентна и идно ориентирана мобилност во Европа.
Континуираните инвестиции на MG се надоврзуваат на силниот раст кој брендот го бележи во регионот. На почетокот од оваа година, MG ја прослави испораката на своето милионито возило на европскиот пазар. Откако повторно се врати на британскиот пазар во 2011 година, MG прерасна во еден од најбрзорастечките автомобилски брендови во Европа, поддржан од мрежа од повеќе од 1.300 дилерски партнери во 34 пазари. Неодамна, матичната групација на MG ја одбележа испораката на своето 100-милионито возило на глобално ниво, потврдувајќи го својот обем и меѓународно присуство.
Во последните месеци, MG значително го прошири своето портфолио со претставувањето на неколку важни модели, меѓу кои целосно новите MG4 EV Urban и MGS9 Plug-in Hybrid – првиот SUV модел на брендот со седум седишта, кој нуди врвна практичност и просторност во три реда седишта. Надоврзувајќи се на успешните лансирања во изминатата година, MG ги претстави и моделите MGS5 EV, MGS6 EV и MG HS Hybrid+, дополнително зацврстувајќи ја својата позиција во сегментите на електрични и хибридни возила. Во центарот на иновативната приказна на брендот останува MG Cyberster, кој продолжува да ги редефинира перформансите на електричните автомобили преку совршен спој на спортското наследство на MG, препознатливиот roadster дизајн и најсовремената EV технологија.
Извор: MG Motor Македонија
