Од вечерва на полноќ повторно ќе се намалат цените на горивата – бензините ќе поевтинат по 2 денари за литар, додека дизелот ќе поевтини за 3 денари за литар.
Во најновата пресметка на малопродажните цени на горивата на Регулаторната Комисија за Енергетика е применета одлуката на владата за намалено ДДВ кај дизелот и намалени акцизи кај бензините и дизелот. Со денешната одлука, малопродажните цени се намалуваат во просек за 2.43%.
Бензините поевтинуваат по два денари и еден литар ЕУРОСУПЕР-95 ќе чини 84.00, додека еден литар ЕУРОСУПЕР-98 ќе чини 86.00 денари за литар.
Цената на ЕУРОДИЗЕЛ горивото се намалува за 2.50 денари и еден литар дизел ќе чини 92 денари.



