Наследникoт на Roma Spider добива кабриолетска изведба, нови бои и (верувале или не) физички копчиња на воланот.
Дизајнот ја задржува силуетата на купе изведбата со долгата хауба, острите LED светла и мускулестите крила.
Активната аеродинамика вклучува трократен заден спојлер и одбојник за ветер, а покривот од ткаенина се отвора за 13,5 секунди и функционира со брзина до 60 км/ч.
Моторот е истиот 3.9-литарски твин-турбо V8 со 640 коњски сили и 760 Nm вртежен момент. Силата се пренесува на задните тркала преку 8-брзинскиот DCT автоматски менувач.
Присутни се и безбедносните системи како Ferrari Side Slip Control, адаптивните амортизери, карбон-керамичките кочници и ABS Evo.
Без течности, возилото тежи 1556 кг додека багажникот нуди 255 литри, односно 172 со отворен покрив.
Во ентериорот највпечатлив е двојниот кокпит со трите екрани а тука е и враќањето на физичките команди на воланот.
Цената се уште не е објавена а првите испораки би требало да бидат кон крајот на годинава.
