Откако ја лансираше Mokka GSE, сега Opel најавува и мал хот хеч со високи перформанси – наскоро пристигнува Corsa GSE!
Mokka GSЕ е уверлив електричен спортски автомобил. И не го тврдиме тоа туку така – и самите имавме можност да се увериме кога пред неколку месеци ја возевме Mokka GSE на легендарната тркачка патека Jarama близу Мадрид. Но буквално „од нигде никаде“ Opel денес најави дека подготвува уште еден модел со ознаката GSЕ – а тоа е Corsa GSE. Океј, сега за сега не знаеме ништо за моделот и освен едната фотографија која прикажува тркало и дел од каросеријата, Opel нема објавено никакви други податоци.
Но ајде малку да шпекулираме. Mokka GSE е придвижувана од електромотор кој испорачува 281 коњска сила и 345 Nm вртежен момент, кои ги испорачува кон предните тркала преку диференцијал со ограничено пролизгување. Ако сме доволно храбри да претпоставиме дека истиот погон ќе го добие и Corsa GSE (а сме!), тогаш од малата електрична Corsa можеме да очекуваме… Навистина многу. И ако го добие тој погон ќе биде најбрзата Corsa во историјата на Opel! Плус, Stellantis веќе има еден ваков мал автомобил со овој погон во своето портфолио – не смееме да не го споменеме Peugeot E-208 GTi!
Од Opel кажуваат дека Corsa GSE ќе достапна за нарачка веќе оваа година. Возбудени сме!
