Porsche Центарот во Скопје претстави специјално-подготвена Panamera, дизајнирана и изработена од Exclusive Makufaktur дивизијата на брендот.
Exclusive Manufaktur дивизијата на Porsche го претставува највисокото ниво на персонализација и изработка кое германскиот бренд го нуди. Оваа специјална Panamera ќе биде изложена за ограничено време, но истовремено демонстрира како перформансите, луксузот и индивидуалноста се спојуваат преку оваа специјална програма на Porsche.
Изложената Panamera добива внимателно одбрани материјали, комбинации на бои и рафинирани детали во ентериерот, сите изработени според личната визија на клиентот. Од внимателно-избрани и ексклузивни кожни обработки, декоративни елементи од карбон, па сè до препознатливи надворешни акценти, секој детал ја одразува посветеноста на Porsche кон прецизноста и индивидуализацијата.
Со оваа презентација, Porsche Center Skopje ја нагласува својата посветеност да им понуди на клиентите не само исклучителни возила, туку и високо персонализирани искуства од Porsche. Посетителите беа поканети да ги истражат можностите на Exclusive Manufaktur и да откријат како Panamera може да се прилагоди за да ја одрази нивната сопствена интерпретација на модерен луксуз и перформанси.
Со претставувањето на оваа верзија на Panamera, експертите од Porsche Center Skopje детално ги водеа клиентите низ широкиот спектар на опции кој ги нуди програмата Exclusive Manufaktur.
Извор: PR Porsche Center Skopje
