ABT Sportsline ги подобри перформансите, аеродинамиката и естетиката на новиот германски SUV.
Последната генерација на Audi Q5 се уште нема RS модел, па од ABT решија да направат нешто околу тоа.
Модифицираниот SUV веднаш се истакнува со аеро пакетот на ABT, кој доаѓа со преден сплитер, заден дифузер и поагресивен заден спојлер.
Она што дополнително го привлекува вниманието се сјајните црни 22-инчни Evo sport тркала кои дебитираат на спортскиот SUV. Како алтернатива, можат да се изберат и „скромните“ 20-инчни Sport GR бандажи.
Под предниот поклопец, 3-литарскиот TFSI V6 мотор е надграден и сега испорачува 440 коњски сили и 600 Nm вртежен момент, благодарение на модулот за перформанси ABT Power S.
