Kia го тестираше EV4 на Nurburgring, каде помина 10.000 километри при скоро целосно оптеретување.
Kia се обидува да постави нови стандарди за издржливоста на електричните возила со високи перформанси. При дизајнирање на EV4, голем фокус е даден на издржливоста, со иновации кои гарантираат стабилни перформанси и при долги дистанци, во екстремни климатски услови и при продолжено користење.
Издржливоста се должи на новата, четврта генерација батериски системи на Kia. Овие системи комбинираат напредно управување со температурата на батериите и оптимизиран проток на течности за ладење. Овие подобрувања гарантираат одржување на идеални температури, дури и при услови на поекстремно возење.
За таа цел, Kia го тестираше EV4 – 110.000 километри низ Европа и дури 10.000 километри на Nurburgring. Според тестирањата, батериите покажале минимално абење, но и одлична долгорочна ефикасност. На Nurburgring батериите биле полнети на брз полнач кога било потребно со цел дополнително да се истестира системот – и EV4 покажал импресивни перформанси. Дури и после тие 110.000 километри низ Европа и 10.000 километри на Nurburgring, системот покажал дека батеријата сè уште има капацитет (односно State of Health) од 95%.
