Eлектричниот A390 ја комбинира практичната кабина за пет патници со перформансите на спортски автомобил.
A390 ќе биде достапен во верзиите GT и GTS, чија разлика ќе биде евидентна кај тркалата, ознаките и перформансите. Дизајнот и кај двете верзии останува ист и се одликува со нагласено аеродинамична силуета, остри линии и препознатливи LED светлосни ленти.
Големината на автомобилот го позиционира помеѓу хечбек и компактен SUV, со должина од 4.615 mm, ширина од 1.885 mm и висина од 1.532 mm.
Во кокпитот ги забележуваме 12,3-инчниот дигитален инструмент панел и 12-инчниот централeн екран на допир. Врвната GTS верзија доаѓа со седишта обложени со Nappa кожа и аудио систем со 13 звучници.
A390 користи три електрични мотори и погон на сите тркала со активна распределба на вртежниот момент. Верзијата GT испорачува 400 коњски сили и 650 Nm вртежен момент, додека GTS нуди 470 коњски сили и 808 Nm. Забрзувањето од 0 до 100 км/ч за GTS е 3,9 секунди, а максималната брзина изнесува 220 км/ч.
Батеријата од 89 kWh обезбедува автономија од 520 до 555 километри според WLTP стандардот и поддржува брзо полнење до 190 kW.
Производството ќе биде во Франција, а нарачките за европскиот пазар ќе започнат кон крајот на годинава.
